Azərbaycan nümayəndə heyəti Böyük Britaniya Kraliçası ilə görüşdü.


Azərbaycan Respublikası Atçılıq Federasiyasının (ARAF) təşkilatçılığı, Azərbaycan Respublikasının Mədəniyyət Nazirliyi və Avropa Azərbaycan Cəmiyyətinin (TEAS) dəstəyi ilə xalqımızın dünya atçılığına bəxş etdiyi xüsusi at cinsi olan Qarabağ atları Dövlət Sərhəd Xidmətinin “Süvarilər” atlılar dəstəsinin təqdimatında Britaniya Kraliçası II Elizabetin doğum günü ərəfəsində təşkil olunan “Royal Windsor Horse Show” adlı tədbirdə möhtəşəm şou proqramla çıxış edib.

 

Şounun tərkib hissəsi olaraq 24 nəfərdən ibarətSərhədçirəqs qrupu, “Natiq Ritm Qrupu”, rəssamlar və fakirlər də meydanda ölkəmizi təmsil etdilər. “Royal Windsor Horse Show” atçılıq tədbiri bu il 75 illik yubileyini qeyd edir. “Land of Fire - Azerbaijan” adı ilə təqdim olunan xüsusi proqram yarış izləyiciləri tərəfindən böyük maraqla qarşılanmışdır. Azərbaycanın bu tədbirdəki ilk iştirakından etibarən bütün dünya vətənimizin igidlik və məğrurluq rəmzlərindən biri olan  Qarabağ atına valeh olub.Təsadüfi deyil ki, Kraliçaya aid “Windsor” qəsri 1956-cı ildə ilk Qarabağ atı – “Zaman” ilə tanış olmuşdur. Həmin il məhz II Elizabetə hədiyyə olunan Qarabağ atı Böyük Britaniyaya Azərbaycanın qədim atçılıq mədəniyyətini ilk dəfə tanıtmışdır. 

 

Bütün tamaşaçıları heyran etmiş “OdlarYurduAzərbaycanadlı kompozisiyada Azərbaycan Respublikasının əməkdar artisti Natiq Şirinovun rəhbərliyi ilə “Natiqritm qrupunun ecazkar müşayiətinin sədaları altında məşqçi Azər Həmzəyevin rəhbərliyi ilə Qarabağ atlarının belində inanılmaz və möhtəşəm igidlik hərəkətləri icra edən Dövlət Sərhəd Xidmətinin 20 süvarisi, xoreoqraf, Azərbaycan Respublikasının əməkdar artisti Nailə Məmmədzadənin rəhbərliyi ilə “Sərhədçirəqs ansamblı, alov püskürən fakirlər qrupu və iki gənc rəssam iştirak etmişlər. 12 dəqiqə davam edən bu şounun quruluşçu rejissoru Azərbaycan Respublikasının əməkdar artisti Nicat Kazımovdur. 

12 may 2018-ci il tarixində Azərbaycan Respublikası Atçılıq Federasiyasının nümayəndə heyəti Böyük Britaniya taxt-tacının sahibi, Ülyahəzrət Kraliça II Elizabetlə görüşmüş və tuncdan hazırlanmış Qarabağ atı heykəlini, eyni zamanda Azərbaycanın Qarabağ xalçasını Azərbaycan nümayəndə heyəti adından rəsmi hədiyyə olaraq təqdim etmişdir. 

 

 https://www.youtube.com/watch?v=KivbCRwAPQw&feature=push-u&attr_tag=wLyqJAc1dzAppwC3-6