Azərbaycan
Respublikası Atçılıq Federasiyasının (ARAF) təşkilatçılığı ilə Qarabağ atları
19-23 dekabr 2018-ci il tarixlərdə “Olimpiya London Beynəlxalq Atçılıq Şousunda”
möhtəşəm şou proqramla çıxış edəcəklər.
Milli qürurumuz
olan Qarabağ atları dünyanın bütün ölkələrində xüsusi bir cins kimi
tanınır. Qarabağ atlarının10-13 may 2018-ci il tarixlərdə Kral Vindzor At Şousunun 75 illik yubileyinə və Britaniya Kraliçası II Elizabetin doğum gününə həsr olunmuş tədbirlərdə möhtəşəm şou proqramları böyük coşqu və heyrətlə qarşılanmışdı. Məhz elə
bunun nəticəsidir ki, Azərbaycan nümayəndə heyəti yenidən Olimpiya London
Beynəlxalq At Şousunda iştirak üçün dəvət olunub.
Federasiyanın
Olimpiya üçün hazırladığı nümayiş "Odlar yurdu Azərbaycan və
Qarabağ Atı” kimi tanınır. Bu həyəcanverici nümayiş Qarabağ atları üzərində möhtəşəm hərəkətlər
göstərəcək 12 at və çapardan ibarət olacaq.
Nümayişin məqsədi ölkəmizin mədəni irsini qlobal auditoriyaya çatdırmaqdır. Zəngin
mədəniyyətimiz əsrlər boyu Azərbaycan xalqının qəhrəmanlığını, cəsarətini və
qorxmazlığını nümayiş etdirən milli rəqs və musiqimizin müşayiəti
altında Qarabağ Atlarının gücünü və möhtəşəm bacarıqlarını əks etdirən şou
ilə nümayiş olunacaq.Qarabağın adını daşıyan möhtəşəm Atları və “Odlar Yurdu Azərbaycan”nümayişini izləyən
tamaşaçılar heç vaxt bu şounu unuda bilməyəcəklər.
