Azərbaycan Respublikası
Atçılıq Federasiyasının təşkilatçılığı və “PAŞA Siğorta” ASC-nin sponsorluğu
ilə Azərbaycan Milli Polo Komandası Amerikanın Florida ştatında “Grand
Champions Polo Club”da 19-26 noyabr 2018-ci il tarixlərdə keçiriləcək Polo üzrə
Beynəlxaq Kubokda iştirak edəcək.
“Grand Champions Polo
Club”un təşkilatçılığı ilə baş tutacaq Polo üzrə Beynəlxalq Kubok Polo və payız
sezonunun son həftəsində keçirilən
ənənəvi ən böyük tədbirdir.
2012-ci ildən bəri
İngiltərə, Çili, Meksika, Cənubi Afrika, Urugvay və Brazilya Polo yığmalarını
məğlub edərək 6 dəfə Çempion olan ABŞ komandası bu dəfə Odlar və Buzlar yurdu,
dünyanın ən məhşur güclü polo komandası Azərbaycanı qarşılayacaq.
Yüksək
səviyyədə təşkil olunmuş turnirdə bir çox ölkələr o cümlədən, Azərbaycan,
Argentina, Brazilya, Kanada, Çili, Ekvador, İngiltərə, Fransa, Hindistan,
Meksika, Yeni Zellandiya, Nigeriya və Cənubi Afrika iştirak edirlər.
Milli komandamızın ilk dəfə
iştirakçısı olacağı Amerika Beynəlxalq Polo çempionatında əsas hədəfi ən yüksək
pillə uğrunda mübarizə aparmaqdır.
“PAŞA Siğorta” ASC-nin
sponsorluq etdiyi yığmamızın start heyətində Elçin Camallı, Amil Namazov,
Andres (LaLA) Laplacette, Adrian Laplacette və Rəşad Həsənov yer alacaq.
Komandanın baş məşçisi Namiq Orucovdur.
Azərbaycan Respublikasının
Prezidenti cənab İlham Əliyevin göstərdiyi ali diqqət və qayğı nəticəsində
ölkəmizdə polo idman növü son illərdə xüsusilə inkişaf etmişdir. 2018-ci
il Azərbaycan Milli Polo komandasının
bir çox uğura imza atdığı il olmuşdur.
2018-ci ilin yanvar
ayında İsveçrənin Sankt-Moritz şəhərində
keçirilən Qar Polosu üzrə Dünya Kubokunda komandamız qar üzərində ilk dəfə polo
oynamasına baxmayaraq, güclü rəqiblərindən heç də geridə qalmayaraq 3-cü yerin
sahibi olmuşdur.
15-17 iyun 2018-ci il
tarixdə Azərbaycanın hər il ev sahibliyi etdiyi Arena Polo üzrə Dünya Kuboku
turnirində Milli Polo Komandamız 2-ci yerə layiq görülmüşdür.
Ölkəmizin Polo üzrə
nailiyyətlərinin davamı olaraq komandamız 20-30 sentyabr 2018-ci il tarixdə
İtaliyanın Siyene şəhərində ilk dəfə iştrakçısı olduğu Avropa Çempionatının
ikincisi olmuşdur.