Azərbaycan Respublikası
Atçılıq Federasiyasının təşkilatçılığı və “PAŞA Siğorta” ASC-nin sponsorluğu
ilə Azərbaycan Milli Polo Komandası Amerikanın Florida ştatında “Grand
Champions Polo Club”da 24 noyabr 2018-ci il tarixdə Polo üzrə Beynəlxaq Kubokda
ABŞ komandası ilə final oyunu oynayıb.
“Grand Champions Polo
Club”un təşkilatçılığı ilə baş tutmuş Polo üzrə Beynəlxalq Kubok Polo və payız
sezonunun son həftəsində keçirilən
ənənəvi ən böyük tədbirdir.
2012-ci ildən bəri 6 dəfə Çempion olan ABŞ komandası bu dəfə finalda Odlar yurdu, dünyanın ən məhşur güclü polo komandası Azərbaycanı qarşıladı.
Milli komandamız Amerika
Beynəlxalq Polo çempionatında ilk dəfə iştirak edirdi.
“PAŞA Siğorta” ASC-nin
sponsorluq etdiyi yığmamızın start heyətində Elçin Camallı, Amil Namazov,
Andres (LaLA) Laplacette, Adrian Laplacette və Rəşad Həsənov yer alıb.
Komandanın baş məşçisi Namiq Orucovdur.
24 noyabr tarixdə baş
tutmuş həyəcanverici final oyununda
komandalar kubok uğrunda gərgin mübarizə aparmışdır. 6 dəfə ardıcıl çempion
olmuş ABŞ komandası qarşısında komandamız yüksək əzmkarlıq və mübarizlik
nümayiş etdirdi. Son dəqiqələrdə Elçin Camallı və Amil Namazovun vurduğu
möhtəşəm qollara baxmayaraq ABŞ 9-7 hesabı ilə qalib gələrək yenidən Kubokun
sahibi oldu. Millimiz isə 2-ci yerdə qərarlaşdı.
Amerika Birləşmiş
Ştatlarında üçrəngli bayrağımızı ucaltmış idmançılarımıza dərin
təşəkkürümüzü bildirir, gələcəkdə daha yüksək zirvələrin fəth edilməsini
arzulayırıq!
