OKTYABR AYININ İLK HƏFTƏSİ CIDIR YARIŞI İLƏ BAŞLADI
Azərbaycan
Respublikası Atçılıq Federasiyasının təşkilatçılığı ilə 5 oktyabr 2019-cu il
tarixində mövsümün növbəti cıdır yarışları keçirilib. Binə Atçılıq Mərkəzinin
hippodromunda keçirilən yarışlarda 4 müxtəlif kateqoriya və məsafələrə qaçışlar
təşkil olunmuşdur.
Birinci qaçış 2
yaş və yuxarı İngilis atların yarışdığı 1000 m məsafə uğrunda mübarizə ilə
başlamışdır. Bu qaçışın nəticəsinə görə 1-ci və 2-ci yerləri müvafiq olaraq
“Omar” AİK-in sahibi olduğu “Atilla” ləqəbli at və “Matilda” ləqəbli at
tutmuşdur. 3-cü yeri “Arzu” AİK-in sahibi olduğu “Şəfəqim” ləqəbli at, 4-cü
yeri isə “Omar” AİK-in sahibi olduğu “Omar” ləqəbli at, 5-ci yeri isə Ənsərov
Elşənin sahibi olduğu “Lucky Strike” ləqəbli at tutmuşdur.
İkinci qaçışda 1600
m məsafədə 4 yaş və yuxarı Qarabağ və Dilbaz atları yarışmışlar. Bu qaçışda 1-ci
yerin sahibi İbrahimov Ramizin sahibi olduğu “Pəri” ləqəbli at, 2-ci yerin
sahibi “Sərhədçi” AİK-in sahibi olduğu “Qaradağ” ləqəbli at, 3-cü yerin sahibi
isə, “Xan-Xan” AİK-in sahibi olduğu “Zirvə” ləqəbli at olmuşdur.
Üçüncü qaçış 3 yaş
və yuxarı Ərəb atların yarışdığı 1800 m məsafə uğrunda mübarizə ilə davam
etmişdir. Bu qaçışda 1-ci yeri “Günay” AİK-in sahibi olduğu “Miss Dahes” ləqəbli
at, 2-ci yeri Əsgərov Rahimin sahibi olduğu “Renessans-Tersk” ləqəbli at, 3-cü
yeri isə “Arzu” AİK-in sahibi olduğu “Rubinka” ləqəbli at tutmuşdur.
Son qaçışda 3 yaş Qarabağ
və Dilbaz atları yarışmışlar. Bu qaçışda 1-ci və 2-ci yerləri müvafiq olaraq “Xan-Xan”
AİK-in sahibi olduğu “Xan qızı” ləqəbli at və “Çalxanqala” ləqəbli at
tutmuşdur. 3-cü yerin sahibi Tatlıyev Əlinin sahibi olduğu “Zaman” ləqəbli at,
4-cü yerin sahibi Atayev Şəmsəddinin sahibi olduğu “Sərv” ləqəbli at olmuşdur. “Omar”
AİK-ə məxsus “Nəfəs” ləqəbli at isə 5-ci yerə çıxmışdır.
Yarışın ümumi
mükafat fondu 12300 manat təşkil etmişdir.