Heydər Əliyev
Fondunun dəstəyi və Azərbaycan Respublikası Atçılıq Federasiyasının
təçkilatçılığı ilə Azərbaycan Xalq Cümhuriyyətinin yaradılmasının 100 illik
yubileyinə həsr olunmuş Milli Atçılıq
Festivalı davam edir.
Belə ki, 5 iyun
2018-ci il tarixdə Çövkən Milli Atüstü oyunu üzrə “100 illik Yubiley Kuboku” turnirinin
təsnifat mərhələsi keçirilib. 31 may tarixdə keçirilən püşkatmanın nəticəsinə
əsasən günün ilk oyununda Köhlən Çövkən komandası ilə Omar Çövkən komandası üz-üzə
gəlib. Oyun Omar Çövkən komandasının xeyrinə
3-2 hesabı ilə sona çatdı. Sabah, yəni 6 iyun tarixdə Omar Çövkən
komandası Ağstafa Çövkən komandası ilə mübarizə aparacaq.
Günün ikinci
oyununda isə Buta Golden Çövkən komandası Murad Çövkən komandası ilə qarşı-qarşıya
gəlib. Buta Golden komandası 4-0 hesabı ilə Murad Çövkən komandasını məğlub
edib. Bu görüşdən qalib ayrılan Buta Golden komandası Ağcabədi Çövkən
komandasıyla yarışacaq.
Sabah keçiriləcək 1/4
oyunun nəticəsinə görə isə Sərhədçi komandasının rəqibi Murad – Ağcabədi
görüşünün qalibi, Polad komandasının rəqibi isə Omar-Ağstafa görüşünün qalibi
olacaq. 7 iyun tarixdə keçiriləcək yarım-final oyunlarından qalib ayrılan
komandalar 9 iyun tarixdə keçiriləcək final oyunlarında 100 illik Yubiley
Kuboku uğrunda mübarizə aparacaqlar.
