Binə qəsəbəsində yerləşən “Elite Horse and Polo Club”da təşkil
olunacaq “CBC
Sport Arena Polo Dünya Kubokun”da ölkəmizi təmsil
edəcək “Elite
horse and polo club” komandası, yarışın hazırlıqlarını davam etdirir. Təmsilçimizin
baş məşqçisi Namiq Orucov verdiyi açıqlamasında məşqlərin plana uyğun getdiyini
bildirib: “Komandamız gündə iki dəfə olmaqla məşqlərini davam etdirir. Günün
ilk hazırlığında fiziki yükləmələrə üstünlük veririk. Növbəti məşqdə isə taktki
gedişlər, eləcədə ötürmələr üzərində iş gedir. Heyətimizdə heç bir itki yoxdur.
Komanda tam heyətlə yarışlara hazırlığı davam etdirir. Əhval ruhiyyəmiz
yaxşıdır. Məqsədimiz isə həmişə eyni olub. Azərbaycan təmsilçisi polo üzrə
qatıldığı bütün yarışlarda ancaq çempionluğa oynayır. Bu dəfəki yarışda ümidləri
doğruldacağımıza inamımız böyükdür”. Qeyd edək ki, Beynəlxaq turnir Sentyabrın
8-i start götürəcək. Açılış oyununda komandamızın rəqibi Amerika Birləşmiş
Ştatlarının “Grand champions polo club”
komandası olacaq. Bundan bir gün öncə isə “JW Marriott Absheron” oteldə mətbuat
konfransı və komandaların təqdimat mərasimi təşkil ediləcək. Ardınca isə
konfrans iştirakçılarına ziyafət veriləcək.