Azərbaycan Respublikası Atçılıq
Federasiyası 2009-cu ildən etibarən Heydər Əliyev Kuboku yarışlarının
keçirilməsinə start vermişdir. Hər il olduğu kimi bu yarış yenə də mövsümün ən
yüksək səviyyəli beynəlxalq yarışı olacaqdır. 3 günlük möhtəşəm yarışlarda
Azərbaycan, Türkiyə, Rusiya, İran, Almaniya və Lüksemburqu təmsil edən
idmançılar və atlar iştirak edəcəkdir. Turnir yenicə istifadəyə verilən Buta
Qold Atçılıq Klubunda keçiriləcəkdir. 2 və 3 İyun tarixlərində hər gün iki
yarışın keçirilməsi planlaşdırılır. Hər günün ilk yarışı kiçik, ikinci yarışı
isə böyük tur hesab ediləcəkdir. 4 İyun tarixində bütün idmançılar Heydər Əliyev
Kuboku uğrunda mübarizə aparacaqdır. Turnirin ümumi mükafat fondu 78 800 manat
təşkil edir. Yarışlara hər gün saat 17:00-da start veriləcəkdir.
Yarışın ilkin Əsasnaməsi ilə tanış
olmaq üçün aşağıdakı linkə daxil olun