15 dekabr 2023-cü
il tarixdə Azərbaycan Respublikası Atçılıq Federasiyasının təşkilatçılığı ilə start
götürən Çövkən Milli Atüstü oyunu üzrə
“Prezident Kuboku” turnirinin yarımfinal oyunları baş tutub.
Günün ilk oyununda
“Polad” komandası “Omar” komandasına 4-1 hesabı ilə qalib gələrək finala yüksəlib.
Digər yarımfinal oyununda isə “Sərhədçi-Qarabağ” komandası “Sərhədçi-Dilbaz”
komandasına minimal hesabla qalib gələrək finalda “Polad” komandasının rəqibi
olub.
Turnirin final
oyunları 24 dekabr 2023-cü il tarixdə saat 11:00-dan etibarən keçiriləcək.
Günün ilk oyunu “Sərhədçi-Dilbaz” komandası “Omar” komandası ilə turnirin
3-cüsünü müəyyən edəcək. Kubokun sahibini isə “Polad” və “Sərhədçi-Qarabağ”
komandaları müəyyən edəcək.
Final oyununun
ardınca turnir iştirakçılarının təltif mərasimi keçiriləcək.
