Çövkən Milli Atüstü Oyunu üzrə Prezident Kuboku turnirinin püşkatma mərasimi keçirilib.


Azərbaycan Respublikası Atçılıq Federasiyasının təşkilatçılığı ilə 11, 13-14, 22 və 23 dekabr 2018-ci il tarixlərdə Çövkən Milli Atüstü Oyunu üzrə Prezident Kuboku turniri keçiriləcək.

Atüstü milli oyunlarımızın qorunub saxlanılması, qədim tarixə malik atçılıq ənənələrinin bərpası, ölkəmizdə atçılıq turizminin təbliği, gənc nəsildə bu sahəyə marağın oyadılması məqsədi ilə artıq yeddinci ildir ki, Prezident Kuboku uğrunda Çövkən Milli oyunu üzrə turnir keçirilir. 

Heydər Əliyev Fondunun dəstəyi ilə Qarabağ atı ilə oynanan Çövkən Milli Atüstü Oyunu UNESCO-nun qeyri-maddi mədəni irs siyahısına daxil edilmişdir.

Bu gün, 05 dekabr 2018-ci il tarixdə Çövkən Milli Atüstü Oyunu üzrə Prezident Kuboku turnirinin püşkatma mərasimi keçirilib.  Püşkatmada “Sərhədçi”, “Polad”, “Köhlən”, “Murad”, “Buta Golden” ,“Omar” “Ağstafa” və “Qarabağ” çövkən komandalarının üzvləri  iştirak edib. 

Təşkilat Komitəsi tərəfindən Çövkən Milli Atüstü oyunu haqqında Əsasnamədə edilmiş yeniliklər və dəyişiklər barədə komanda üzvlərinə ətraflı məlumat verilib.

Sonda isə püşk atılıb və komandalar rəqiblərini tanıyıb. 

Aşağıdakı linkə daxil olaraq püşkatmanın nəticələri ilə tanış ola bilərsiniz.

 http://araf.az/pdf/CovkenMilliAtUstundeOyunu2387493.pdf