Heydər Əliyev Fondunun dəstəyi və Azərbaycan Respublikası Atçılıq
Federasiyasının təçkilatçılığı ilə Azərbaycan Xalq Cümhuriyyətinin
yaradılmasının 100 illik yubileyinə həsr olunmuş Milli Atçılıq Festivalı son
dərəcə yüksək səviyyədə həyata keçirilir. Festival çərçivəsində bir neçə tədbir
və turnirlər həyata keçirilib.
Milli Atçılıq Festivalına 15-17 iyun 2018-ci il tarixdə artıq 6-cı dəfə
keçiriləcək Arena Polo üzrə Dünya Kuboku yarışları ilə yekun vurulacaq.
14 iyun 2018-ci il tarixdə “JW Marriott Absheron Baku” Hoteldə Arena
Polo Dünya Kuboku ilə bağlı mətbuat konfransı keçiriləcək. Konfransda
komandalar və sponsorların təqdimatı olacaq.
15 iyun 2018-ci il tarixdə “Elite Horse & Polo Club” (Pasha Bank) və
Indian Polo & Riding Club New Delhi (Bot) arasında baş tutacaq yarışla
Arena Polo Dünya Kuboku start götürəcək. Günün ikinci oyunu isə Polo Club
Wicklow (Palladium) və Rhein Polo Club Düsseldorf (Altun 97) arasında baş
tutacaq. Günün sonunda isə “Elite Events Hall”da Baku Moritz Qala gecəsi keçiriləcək.
16 iyun 2018-ci il tarixdə isə günün ilk oyununda Rhein Polo Club Düsseldorf (Altun 97) və Indian
Polo & Riding Club New Delhi (Bot) mübarizə aparacaq. İkinci oyun isə Elite
Horse & Polo Club (Pasha bank) və Polo Club Wicklow (Palladium) arasında
baş tutacaq. Kubokun ikinci günü “Port Baku Scalini”də keçiriləcək World Polo
Party (iştirak yalnız dəvətnamə ilə) ilə
sonlanacaq.
17 iyun 2018-ci il tarixdə keçiriləcək oyunlarda isə üçüncülük və final
uğrunda mübarizə olacaq. Və sonda keçiriləcək mükafatlandırma mərasimi ilə
2018-ci il Arena Polo Dünya Kubokuna yekun vurulacaq.