Heydər
Əliyev Fondunun dəstəyi və Azərbaycan Respublikası Atçılıq Federasiyasının təçkilatçılığı
ilə Azərbaycan Xalq Cümhuriyyətinin yaradılmasının 100 illik yubileyinə həsr
olunmuş Milli Atçılıq Festivalı davam edir.
08.06.2018-ci
il tarixdə Dahi Öndər
Heydər Əliyevin 95 illiyinə həsr olunmuş atçılığın konkur növü üzrə “Heydər
Əliyev Kuboku” turniri keçirilmişdir.
Turnir
2 kateqoriya üzrə təşkil edilib. İlk kateqoriyada maneələrin hündürlüyü 125
sm, ikinci kateqoriyada isə 145 sm olmuşdur.
Turnirdə
Azərbaycanın müxtəlif atçılıq klublarından 26 iştirakçı çıxış edib. Qeyd edək
ki, turnir açıq şəkildə keçirildiyi üçün
Belarusiya və Türkiyə Respublikalarından da idmançılar iştirak etmişdir.
Maneələrin
hündürlüyü 125 sm olan günün ilk yarışında “Elite Horse and Polo Club”un idmançısı Pənah Əlizadə “Bill-Clinton” ləqəbli atla 3-cü
yerə, Sərhədçi Atçılıq Klubunun idmançısı Seyid Musayev “Concorde 57” ləqəbli
atla 2-ci yerə yüksəlmişdir. Buta Golden klubunun idmançısı Yahor Morotski isə
heç bir cərimə xalı toplmadan “Astrello” ləqəbli atla birinci yerdə qərarlaşmışdır.
Maneələrin hündürlüyü 145 sm olan günün ikinci yarışında
isə Buta Golden klubunun idmançısı Yahor Morotski “Astrello” ləqəbli atla 3-cü
yeri qazanmışdır.
Gərgin gedən mübarizədə heç bir cərimə xalı
toplamayan Sərhədçi klubunun idmançısı Seyid Musayev və “Elite Horse and Polo
Club”un idmançısı Rəşad Səmədov təkrar sıçrayışa qalaraq yenidən final uğrunda mübarizə
aparıblar.
Və nəhayət təkrar sıçrayışın nəticələrinə əsasən “Elite
Horse and Polo Club”un idmançısı Rəşad Səmədov “Cherowa” ləqəbli atla ikinci
yerin sahibi olmuşdur.
Sərhədçi Klubunun idmançısı Seyid Musayev isə “Concorde
57” ləqəbli atla keçirilən yarışlarda qalib gələrək 1-ci yerin və eyni zamanda Heydər
Əliyev Kubokunun qalibi olmuşdur.
Qeyd edək ki, Milli Atçılıq Festivalının davamı
olaraq 9 iyun 2018-ci il tarixdə Bakı Dövlət Cıdır meydanında, saat 11:00-da Çövkən
Milli Atüstü oyunu üzrə “100 illik Yubiley Kuboku” turnirinin final mərhələsi keçiriləcəkdir.
