Azərbaycan Respublikası Atçılıq Federasiyasının təşkilatçılığı ilə 27-28 aprel 2018-ci il tarixlərdə Binə Atçılıq Mərkəzinin
açıq manejində atçılığın konkur növü üzrə “Sərhədçi Kuboku” turniri
keçiriləcək. Turnir E, M* və S*
kateqoriyaları üzrə təşkil olunacaq.
İki gün davam edəcək turnirin ilk günü yarış saat 15.00-da, sonuncu
günü isə saat 11.00-da başlayacaq.Turnirin ilk günü E və M* kateqoriyaları üzrə
təşkil olunacaq. E kateqoriyası üzrə
maneələrin hündürüyü 80 sm olan yarışda 20 yaşadək olan yeniyetmə idmançıların
iştirakına icazə verilir. Günün ikinci yarışı olan M* kateqoriyası isə hər yaş qrupundan
olan idmançılar üçün açıq olacaq. Bu yarışda ən hündür maneə 125 sm olaraq nəzərdə
tutulmuşdur. Turnir yerli hakimlər
kollegiyası tərəfindən idarə olunacaq.