09-10 mart 2018-ci il tarixlərdə
Binə Atçılıq Mərkəzinin açıq manejində atçılığın konkur növü üzrə ARAF
Kuboku turniri keçiriləcək. E, M* və S* kateqoriyaları üzrə təşkil olunacaq
“ARAF Kuboku” adlı turnirdə Azərbaycanın müxtəlif atçılıq klublarının yeniyetmə
və yetkin yaş qrupları üzrə idmançıları iştirak edəcək. Turnir iki gün keçiriləcək. Turnirin ilk günü E
və M* kateqoriyaları üzrə təşkil olunacaq. E kateqoriyası üzrə maneələrin
hündürüyü 80 sm olan yarışda 20 yaşadək olan yeniyetmə idmançıların iştirakına
icazə verilir. Günün ikinci yarışı olan M* kateqoriyası isə hər yaş qrupundan
olan idmançılar üçün açıq olacaq. Bu yarışda ən hündür maneə 120 sm olaraq nəzərdə
tutulmuşdur.
Turnirin ümumi mükafat fondu 5000 manat təşkil edir.