Azərbaycan Respublikası Atçılıq
Federasiyası 11-12 yanvar 2019-cu il tarixdə ilin ilk Konkur yarışına start verəcək.
“Arzu kuboku” adlı turnir E, M* və S*
kateqoriyaları üzrə təşkil olunacaq.
Turnirdə Azərbaycanın müxtəlif
atçılıq klublarının yeniyetmə və yetkin yaş qrupları üzrə idmançıları kubok
uğrunda yarışacaq. İki gün davam
edəcək turnir saat 11.00-dan etibarən baş tutacaq.
Turnirin birinci günü E kateqoriyası
üzrə 80-85 sm hündürlükdə qurulacaq maneələrdən
ibarət yarışda
20 yaşadək olan
yeniyetmə idmançıların iştirakına icazə veriləcək. Günün ikinci M* kateqoriyası üzrə yarışı hər yaş kateqoriyasından olan idmançılar üçün açıq olacaq. Bu
yarışda ən hündür maneə 120-125 sm
olaraq nəzərdə tutulmuşdur.
Turnirin ikinci günü isə S* kateqoriyası üzrə təşkil olunacaq. S* kateqoriyası üzrə maneələrin hündürlüyü
130-140 sm nəzərdə tutulub.
Turnir yerli hakimlər kollegiyası tərəfindən idarə olunacaq. Turnirin ümumi mükafat fondu 5000 manat təşkil edir.