24
avqust 2018-ci il tarixdə Sərhədçi
Atçılıq İdman Klubunun açıq manejində atçılığın konkur növü üzrə “Sərhədçi
kuboku” turniri keçirilmişdir. Yarış E, M* və S* kateqoriyaları üzrə təşkil olunmuşdur.
“Sərhədçi Kuboku” uğrunda mübarizədə Azərbaycanın müxtəlif atçılıq klublarının yeniyetmə
və yetkin yaş qrupları üzrə idmançıları iştirak etmişdir.
E
kateqoriyası üzrə maneələrin hündürlüyü 80-85 sm olan yarışda 3-cü yeri Omar
klubunun idmançısı Nurlan Rüstəmov “Emily Du Barbour” ləqəbli atla, 2-ci yeri Sərhədçi
klubunun idmançısı Dünyamalı Qurbanbəyov “Gilas” ləqəbli atla, 1-ci yeri isə
Atçılıq məktəbinin idmançısı Səməd Əliverdiyev “A.Clinteus” ləqəbli atla qazanmışdır.
M* kateqoriyası üzrə maneələrin hündürlüyü
120-125 sm olan yarışda 3-cü yerə Sərhədçi klubunun idmançısı Seyid Musayev “Concorde 57” ləqəbli atla, 2-ci yerə “Elite
Horse and Polo Club” un idmançısı Kənan Novruzov “Walonka” ləqəbli atla, ilk
pilləyə isə Sərhədçi klubunun idmançısı Seyid Musayev “David” ləqəbli atla yüksəlmişdir.
Günün
sonuncu S* kateqoriyası üzrə maneələrin hündürlüyü 130-140 sm olan final
yarışında 3-cü yeri Omar klubunun idmançısı Ələkbər Məmmədov “Francescco” ləqəbli
atla, 2-ci yeri Sərhədçi klubunun idmançısı Seyid Musayev “David” ləqəbli atla,
1-ci yeri və “Sərhədçi Kubokunu” isə Buta Golden
klubunun idmançısı Yahor Morotski “Astrello” ləqəbli atla qazanmışdır.