Polo üzrə Avropa birinciliyində Azərbaycan millisinin mübarizlik kapriççosu


Dahi Öndər Heydər Əliyevin “Azərbaycan bütün dünyaya günəş kimi doğacaq” kimi məşhur kəlamı sentyabr ayının son dekadasında məxmər havası və gözəl təbiəti ilə hər kəsi valeh edən İtaliyanın qədim Toskaniya diyarına Azərbaycan millisinə dəstək olmaq üçün gəlmiş bütün həmvətənlərimizin keçirdiyi qürur və fəxarət hisslərinin qısa leytmotivini kəmməl formada ifadə edir. 

Turnirdən öncə peşəkar idmançıların və idman mütəxəssisrinin yarışın debütantı olan Azərbaycan yığması haqqında düşün və gözləntilərinin oyundan oyuna, qələbədən qələbəyə etinasızlıqdan təəccübə, təəcübdən heyranlığa doğru kəskin yişməsi sanki alatoranlıqda yalnız bəzi cizgilərinin göründüyü, sübh tezdən doğan günəşin şüaları altında təbiətifüsünkar zəlliyinin və cazibədarlığının kəşf edilməsinə bənzəyirdi.

Həqiqətən də turniri işıqlandıran xarici mətbuatdakı millimizin sərgilədiyi qeyri-adi oyun haqqında xoş sözlər və təriflər hər bir oxucuda Odlar Yurdunun qədim atçılıq ənənələri, idmançılarızın əzmkarlığı və mübarizliyi barədə geniş təsəvvür yaradırdı. Məsələn,:

− pololine.tv” ixtisaslaşmış idman portalında final görüşü haqqında verilmiş reportajda Azərbaycan yığmasının məğrurcasına mübarizə aparması, turnir boyu oyunlarında böyük inkişaf nümayiş etdirməsi” ifadlərinin vurğulanması
− Amerika Birləşmiş Ştatlarının nüfuzlu “gcpolo.com” saytında odlar və buzlar yurdu olan Azərbaycanın milli yığmasının dünyanın ən inkişaf etmiş komandalarından biri kimi göstərilməsi və noyabr ayının 24-də ABŞ-nın Mayami şəhərində “Grand Champions Polo Clubda təşkil olunacaq beynəlxalq kubok turnirində Azərbaycan komandasının ABŞ idmançıları üçün güclü rəqib olacağının xüsusi qeyd olunması və həmin portalın “Facebook” səhifəsində final yarışı öncəsi Azərbaycan millisinə uğur arzulanması,
− İtaliyanın cavallo2000.it” məlumat portalında final görüşündə İtaliya yığmasına qarşı Azərbaycan millisinin çıxmasının böyük sürpriz olmasının qeyd edilməsi, yığmamızın öz oyun taktikası və peşəkarlığı ilə hamını təəccübləndirməsinin, komandamızın güclü azarkeş dəstəyinin olmasının təsbitlənməsi hər bir həmvətənimizdə müsbət emosiyalarla yanaşı millimizin özünü bu səviyyədə təsdiq edə bilməsi ilə əlaqədar fəxarət hissləri yaradırdı.    

Bu gün çempionatın nəticələrini dərindən təhlil edərkən, xüsusən də İrlandiya və İtaliya yığmalarına qarşı millimizin keçirdiyi son iki oyunun gərginliyini yada salaraq həmin hissləri təkrar-təkrar keçirərkən mükəmməl və mübariz oyun nümayiş etdirən komandamıza qarşı təzyiqlərin göstərilməsini, müxtəlif üsullarla idmançılarımızın məğlubiyyətə uğradılması cəhdlərini daha yaxşı dərk edirik. Məsələn, İrlandiya ilə oyunun sonuna 18 saniyə qalmış hesab 4:3,5 olarkən qapımıza cərimə zərbəsinin təyin olunması, lakin rəqib oyunçunun bu fürsətdən lazımınca yararlana bilməməsi, əksinə öz qapılarından top buraxması, yaxud final oyununda İtaliya komandasının 8 topdan 6-nı cərimə zərbələrindən (penaltidənvurması millimizin amansız müqavimətlə qarşılaşdığına rəğmən qitənin ikincisi olmasının dəyərinin təsəvvür etdiyimizdən də qat-qat yüksək olması tam aydın olur.

 Azərbaycan millisinin bu böyük və möhtəşəm nailiyyəti ilk növbədə Azərbaycan Respublikasının Prezidenti cənab İlham Əliyevin idmanın, o cümlədən də atçılıq idmanının inkişafına göstərdiyi ali diqqət və qayğının konkret təcəssümüdür

Eyni zamanda bu nəticə millimizin çempionata hazırlaşması üçün Almaniyanın Mühlen şəhərində təlim-məşq toplanışlarının təşkilindən tutmuş, rəqib komandaların oyun taktikasının öyrənilməsinə və onlara qarşı əks fəndlərin düşünülməsinə qədər Azərbaycan Respublikasının Atçılıq Federasiyası tərəfindən həyata keçirilmiş ciddi fəaliyyətin gerçək ifadəsi olmuşdur.

Bütün Azərbaycan idman sevərlərinə, polo azarkeşlərinə böyük bir bayram bəxş etmiş, Avropa meydanlarında üçrəngli bayrağımızı ucaltmış idmançılarımıza dərin təşəkkürümüzü bildirir, gələcəkdə daha yüksək zirvələrin fəth edilməsini arzulayırıq!