23 mart 2018-ci il tarixində Binə
Atçılıq Mərkəzinin açıq manejində atçılığın konkur növü üzrə “Polad”
kuboku turnirinin ilk mərhələsi keçirilib. E və M* kateqoriyaları
üzrə təşkil olunan yarışda maneələrin hündürlüyü E kateqoriyası üzrə 80-85 sm, M* kateqoriyası üzrə
120-125 sm olub.
E kateqoriyası üzrə
yarışda 3-cü yeri Atçılıq məktəbinin idmançısı Ramil İbrahimov Light Limerick ləqəbli atla, 2-ci yeri “Omar”
klubunun idmançısı Nurlan Rüstəmov Emily Du Barbour ləqəbli atla qazanmışdır. 1-ci yerə isə “Sərhədçi”
klubunun idmançısı Dünyamalı Qurbanbəyov Wasab 1 ləqəbli atla layiq
görülmüşdür.
M* kateqoriyası üzrə
yarışda 3-cü yerə Gilan” klubunun idmançısı Rahib İsmayılov Xəzər ləqəbli atla,
2-ci yerə “Sərhədçi” klubunun idmançısı
Seyid Musayev Cissy ləqəbli atla, ilk
pilləyə isə “Omar” klubunun idmançısı Ələkbər Məmmədov Francessco ləqəbli
atla yüksəlmişdir.
Qeyd edək ki, Polad kubokunun ikinci
mərhələsi 24 mart 2018-ci il tarixdə saat 11.00-da Binə Atçılıq Mərkəzinin açıq
manejində keçiriləcək.
Yarışın ümumi mükafat fondu 5000
manatdır.