Heydər Əliyev Fondunun dəstəyi və
Azərbaycan Respublikası Atçılıq Federasiyasının təçkilatçılığı ilə Azərbaycan
Xalq Cümhuriyyətinin yaradılmasının 100 illik yubileyinə həsr olunmuş Milli Atçılıq Festivalı çərçivəsində
6 iyun 2018-ci il tarixdə Çövkən Milli Atüstü oyunu üzrə “100 illik
Yubiley Kuboku” turnirin ən vacib məqamı olan 1/4 final oyunu keçirilib.
Günün ilk
oyununda Ağstafa Çövkən komandası Omar Çövkən komandasıyla mübarizə aparıb.
Omar komandası Ağstafa komandasını 2-0
hesabı ilə məğlub edib.
Günün ikinci oyununda isə Buta Golden
Çövkən komandası Ağcabədi Çövkən komandasını qarşılayıb. Komandalar arasında
gedən gərgin mübarizə 2-1 hesabı ilə Buta Golden komandasınn xeyrinə başa
çatdı.
Beləliklə, 7 iyun 2018-ci il
tarixdə keçiriləcək yarımfinal oyununda final üçün mübarizə aparacaq komandalar
müəyyən olundu. 7 iyun 2018-ci il
tarixdə saat 11:00-da Polad Çövkən Komandası Omar Çövkən komandası ilə
üz-üzə gələcək. Günün ikinci görüşündə isə Sərhədçi Çövkən komandası Buta
Golden Çövkən Komandasını qəbul edəcək. Hər iki oyun Bakı Dövlət Cıdır
meydanında keçiriləcək. Turnirin ümumi
mükafat fondu 50000 manatdır.
