Azərbaycan
Respublikası Atçılıq Federasiyasının təşkilatçılığı ilə 29 iyun 2019-cu il
tarixində ayın son cıdır yarışları keçirilib. Gərgin mübarizə şəraitində keçən yarışlarda
4 müxtəlif kateqoriya və məsafələrə qaçışlar təşkil olunmuşdur.
2 yaş İngilis
atların yarışdığı 1000 m məsafədə, birinci qaçışın nəticəsinə görə 1-ci yeri
“Batumi Ridinq club” sahibi olduğu “Frankel” ləqəbli at, 2-ci yeri “Omar”
AİK-in sahibi olduğu “Babi” ləqəbli at, 3-cü yeri isə “Arzu” AİK-in sahibi
olduğu “Maqma” ləqəbli at tutmuşdur.
İkinci qaçışda 1400
m məsafəyə 3 yaş Qarabağ və Dilbaz atları yarışmışlar. Bu qaçışda 1-ci yerin
sahibi “Xan-Xan” AİK-in sahibi olduğu “Xan qızı” ləqəbli at, 2-ci yerin sahibi
“Omar” AİK-in sahibi olduğu “Nəfəs” ləqəbli at, 3-cü yerin sahibi isə, Atayev Şəmsəddinin
sahibi olduğu “Sərv” ləqəbli at olmuşdur.
Üçüncü qaçış 3 yaşdan
yuxarı İngilis atların yarışdığı 1800 m məsafə uğrunda mübarizə ilə davam
etmişdir. Bu qaçışda 1-ci yeri Cabbarov Çingizin sahibi olduğu “Kənanın Kralı” ləqəbli
at, 2-ci yeri “Omar” AİK-in sahibi olduğu “Omar” ləqəbli at, 3-cü yeri isə, Ənsərov
Elşənin sahibi olduğu “Caspian Surf” ləqəbli at tutmuşdur.
Ayın axırıncı
cıdır gününün son qaçışında 4 yaş və yuxarı Qarabağ və Dilbaz atları 1800 metr
məsəfadə öz güclərini sınamışlar. Bu qaçışda 1-ci yeri “Xan-Xan” AİK-in sahibi
olduğu “Dağlar” ləqəbli at, 2-ci yeri İbrahimov Ramizin sahibi olduğu “Aliqator”
ləqəbli at, 3-cü yeri “Sərhədçi” AİK-in sahibi olduğu “Qalxan” ləqəbli at
tutmuşdur.
Yarışların ümumi
mükafat fondu 11400 manat təşkil etmişdir.
