13 aprel 2018-ci il tarixində Binə Atçılıq
Mərkəzinin açıq manejində atçılığın konkur növü üzrə Bakı Çempionatı
turnirinin ilk mərhələsi keçirilib. M* kateqoriyası üzrə təşkil
olunan yarışda maneələrin hündürlüyü 120-125 sm təşkil edib.
14 idmançının iştirak
etdiyi yarışda 3-cü yerə Omar klubunun
idmançısı Ələkbər Məmmədov Francessco ləqəbli atla, 2-ci yerə Buta Golden klubunun idmançısı Yahor Morotski Astrello
ləqəbli atla, ilk pilləyə isə Sərhədçi klubunun idmançısı Sənan
Məmmədov David ləqəbli atla yüksəlmişdir.
Qeyd edək ki, Bakı Çempionatı
turnirinin ikinci mərhələsi 14 aprel 2018-ci il tarixdə saat 11.00-da Binə
Atçılıq Mərkəzinin açıq manejində keçiriləcək.
