30 iyun 2018-ci il tarixdə Azərbaycan
Respublikası Atçılıq Federasiyası Binə Atçılıq Mərkəzində yerləşən hippodromda
Cıdır yarışı keçirib.
3 qaçışdan ibarət cıdırda 2 yaş İngilis
atları 1000 metr, 4 yaş və yuxarı Qarabağ və Dilbaz atları 2400 metr, 4 yaş və
yuxarı İngilis atları isə 2000 metr məsafədə handikap sistemi üzrə güclərini
sınayıb.
2 yaşlı İngilis
atlarının yarışında jokey Nəzərov Hilal “Naxçıvan” ləqəbli atla 1-ci yeri,
jokey Əliyev Azər “Azəri” ləqəbli atla
2-ci yeri, jokey Məcidov Azər “Mismambo”
ləqəbli atla və jokey Hacıyev Orxanbəy “Uraqan” ləqəbli atla eyni vaxtda finiş
xəttini keçdikləri üçün 3-cü yeri qazanmışlar.
4 yaş və yuxarı Qarabağ
və Dilbaz atlarının yarışında isə jokey Tahirov Rauf “Qaradaq” ləqəbli atla
1-ci yerin, jokey Nəzərov Hilal “Dağlar” ləqəbli atla 2-yerin, jokey Tahirov
Zaur “Qalxan” ləqəbli atla 3 -cü yerin sahibi olmuşdur.
4 yaş və yuxarı
İngilis atlarının yarışında isə jokey Əliyev Azər “Butsefal” ləqəbli atla 1-ci
yerin, jokey Rüstəmov Yusif “İzolda” ləqəbli atla 2-yerin, jokey Hacıyev
Orxanbəy “Majestic Warrior” ləqəbli atla
3-cü yerin sahibi olmuşdur.
Qeyd edək ki, yarış Handikap sistemi
üzrə keçirilib.