14
oktyabr 2023-cü il tarixdə “Binə Atçılıq Mərkəzinin”nin qapalı manejində “Arzu
Kuboku” uğrunda konkur yarışları keçirilib.
“A*” və “L”
kateqoriyaları üzrə təşkil olunan turnirdə Azərbaycanın müxtəlif atçılıq
klublarının yeniyetmə və yetkin yaş qrupları üzrə idmançıları iştirak edib.
“A*”
kateqoriyası üzrə 90 sm hündürlükdə qurulan maneələrdən ibarət yarışda 21
yaşadək idmançılar yaş məhdudiyyəti qoyulmayan atlarla, 21 yaşdan yuxarı
idmançılar isə 6 yaşadək olan atlarla iştirak ediblər. 19 idmançının iştirak
etdiyi mübarizədə “Omar” klubunun idmançısı Samira Baxışyeva “Bulud” ləqəbli
atla 1-ci, “Elite" klubunun idmançısı Aydan Ağayeva “Zirvə 2” ləqəbli atla
2-ci, “Sərhədçi" klubunun idmançısı Ramil İbrahimov "Şirin" ləqəbli
atla 3-cü, Atçılıq məktəbinin idmançısı Nicat Rəhimov “Şahzadə” ləqəbli atla 4-cü,
eyni məktəbin idmançısı Kamilla
Həsənbəyova "Pur-pur" ləqəbli atla 5-ci yerin sahibi olub.
“L”
kateqoriyası üzrə, hündürlüyü 110-115 sm olan yarışda 8 idmançı iştirak edib.
Nəticədə "Gilan" klubunun idmançısı Rahib İsmayılov "Carthanio"
ləqəbli atla 1-ci, "Elite" klubunun idmançısı Anar Hümbətov "Cera
59" ləqəbli atla 2-ci, eyni klubun idmançısı Aydan Ağayeva "Zirvə"
ləqəbli atla 3-cü yerdə qərarlaşmışdır.
