Azərbaycan Respublikası
Atçılıq Federasiyası 19 may 2018-ci il tarixində Binə Atçılıq Mərkəzində
yerləşən hippodromda Cıdır yarışı keçirib.
4 qaçışdan ibarət cıdırda 3 yaş və
yuxarı Ərəb atları, 4 yaş və yuxarı Qarabağ və Dilbaz atları, 3 yaş İngilis
atları 1600 metr məsafədə və 4 yaş və yuxarı İngilis atları isə 2400 metr
məsafədə qrup üzrə güclərini sınayıb.
3 yaşlı İngilis
atlarının yarışında jokey Tahirov Rauf “Atilla” ləqəbli atla 1-ci yeri, jokey
Rüstəmov Yusif “Prince” ləqəbli atla 2-ci yerə, jokey Nəzərov Hilal “King
of Baku” ləqəbli atla 3-cü yeri qazanmışdır.
4 yaş və yuxarı
Qarabağ və Dilbaz atlarının yarışında jokey Əliyev Azər “Kaktus” ləqəbli atla
1-ci yeri, jokey Tahirov Rauf “Qaradaq” ləqəbli atla 2-ci yeri, jokey Nəzərov
Hilal “Qoşqar” ləqəbli atla 3-cü yeri qazanmışdır.
3 yaş və yuxarı Ərəb
atlarının yarışında jokey Nəzərov Hilal “Renessans-tersk” ləqəbli atla 1-ci
yerə, jokey Azayev Nazim “Zulcənah” ləqəbli atla 2-ci yerə, jokey Rüstəmov
Yusif “Kaşmir” ləqəbli atla 3-cü yerə yüksəlmişdir.
4 yaş və yuxarı
İngilis atlarının yarışında isə jokey Əliyev Azər “Cherry Grace” ləqəbli atla
1-ci yerin, jokey Tahirov Rauf “İzolda” ləqəbli atla 2-yerin, jokey
Nəzərov Hilal “Mr.Tornado” ləqəbli atla 3-cü yerin sahibi olmuşdur.